以Star Tours 為基礎而設計嘅Iron Man Experience, 係首個由Disney 製作嘅Marvel 設施, 亦係香港迪士尼獨有遊樂設施.
假如唔作任何比較, 純粹聚焦喺香港迪士尼同喺呢個設施上, Iron Man Experience 係好玩有趣嘅. 但假若從今日個話題引伸出樂園需要加入強大號召力嘅設施吸引全球Fans 嘅話, 似乎Iron Man Experience 並唔能夠從外國Fans 口中獲得如Mystic Manor 嘅"Like The Haunted Mansion times 10" 呢句評語.
Disney 從2011年起為全球多個Disney Parks 更新Star Tours, 並升級為Star Tours - The Adventures Continue, 並喺2017年完成全球四個Star Tours 嘅升級工程. The Adventures Continue 同舊版最明顯分別, 在於旅程中會隨機到訪不同目的地, 並且因應電影新作而加入新作內嘅場景. 最後一次更新係2019年, 以配合 Star Wars: Episode IX – The Rise of Skywalker 嘅上映.
2017年開幕嘅Iron Man Experience, 雖然係用上Marvel 主題, 但未有隨機抽選不同片段令呢次飛行旅程出現變化, 亦即佢係用緊2011年之前嘅Star Tours 單一片段模式.
如一開始所講, 冇比較之下Iron Man Experience 係有趣嘅, 但當講緊Mystic Manor 獲得"Like The Haunted Mansion times 10" 呢個評語並套用喺Iron Man Experience 嘅時候, 試問又點能夠同可以組合出幾十種變化, 每次玩都有唔同體驗嘅Star Tours - The Adventures Continue 相題並論?
但Iron Man Experience 並唔係冇潛力去升級, 只要旅程途中隨機出現其他Avengers 加入戰鬥, 其實亦可以變得每次玩都有不一樣嘅體驗, 將來亦可以配合到Marvel 新作嘅宣傳.
要加入新畫面仲要製成3D 嘅成本並唔會低, 好耐之前已經講過, Star Tours 嘅費用有四個Resort 攤分, Iron Man Experience 只有香港迪士尼一個獨力支撐. 呢個係「全球獨有」所遺下嘅難題.
即使香港迪士尼有呢個財力, 呢一刻先要應付嘅係完成呢次擴建計劃. 希望Arendelle 之後尚未公佈嘅設施可以係一個等如Mystic Manor 有足夠號召力, 能夠為香港迪士尼再次打響名堂嘅招牌設施.
manor電影 在 英國｜峰區景點｜ Chatsworth House 查茨沃斯莊園(達西莊園) - 逸在 ... 的推薦與評價
Apr 11, 2018 - 今天我們來到峰區Peak District 著名的景點Chatsworth House (查茨沃斯莊園)，因為是電影「傲慢與偏見」的取景地點-達西先生(Mr. Darcy)的家， ... ... <看更多>