‼️成就解鎖‼️
✂️自己頭髮自己剪✂️
Sorry 係搵老公剪至岩
望落都唔算太差嘅 😂
#呢度啲舗頭好早就收 #我放工啲髮型屋已經收咗 #星期六日放假又懶得出去剪 #咁就唯有靠自己啦 #SayHiToAussie
咁就唯有靠自己啦 在 Yo Au 區淑妍 Facebook 的最佳解答
同時也有4部Youtube影片，追蹤數超過13萬的網紅Goomusic，也在其Youtube影片中提到，Support our channel! :) Payme : http://bit.ly/paymegoo Payme QR code : http://bit.ly/paymegooQRcode Paypal : http://paypal.me/hall1c 準備Membership Si...
咁就唯有靠自己啦 在 Goomusic Youtube 的精選貼文
Support our channel! :)
Payme : http://bit.ly/paymegoo
Payme QR code : http://bit.ly/paymegooQRcode
Paypal : http://paypal.me/hall1c
準備Membership Site之際，為其中一個Section ⭐️GooCovers⭐️選歌，請我的年輕導演+攝影師子龍點唱。他點了這首我原本不認識的Serrini的歌，說很適合最近的心情。
一聽之下，再看歌詞，我想，這首歌應該public。
在最壞與更壞的這種時候，任何安撫的說話已經無從說出口，說出來都好像超級多餘。還能說什麼？難道叫大家加油？頂住？還加得不夠、頂得不夠嘛？
剩下塞滿體內和心臟的一些感受、哀傷、祝福和期盼，好像就只能以歌曲和音樂來輸出，代替一切多餘的字句。
真的真的慶幸，我還有這個技能，在什麼也不能或不想說的時候，還能將這些最複雜的情緒轉化。而，也就更加覺得，既然如此，就更想自己留在這裡，看看還能用這項技能，多做一些什麼。
眼看一個又一個伙伴陸續被逼離開，不無唏噓。老實講，隔日（甚至每日）就會收到朋友關心及勸告，話「不如妳走啦，危險啊」。大家擔心我明白的，但呢度三言兩語我解釋唔到，況且解釋又係另一種多餘，總之，直覺就是如此。（o.s. : 你地由我啦....）
Anyways。
自己的歌還在努力中，希望大家能耐心及見諒。太多太多想講的，有時又覺得什麼都不想說。複雜的時代衍生各種打曬Kick嘅感受，要整理在短短一首歌當中，只怪我的能力還未能無痛完成。
有曾經寫到想放棄，甚至找人求救「不如你幫我寫啦」，但最後（下刪三千字），好像也還是要靠自己一滴一滴有血有淚地distill出來，連個天都似乎係咁覺得，唔肯俾我假手於人，唔准我懶。
咁就唯有等我多掙扎一陣，是好是壞，功課總會交得出。
未完成自己的作品前，就暫且借用別人的歌來output一下。
p.s. 自首，唱錯咗一句，應該係「開發」唔係「開拓」??♂️?。
【特別鳴謝】
編曲/結他：Soni @GDJYB雞蛋蒸肉餅
混音：hobing@goomusic
導演/攝影/後期：子龍
《Let us go then, You and I》
原唱：Serrini
作曲：Serrini
填詞：Serrini
快樂就笑著面對
微笑活著是樂趣
今天最快樂是誰
是你是你對不對
誰誰最堅強
誰最善良
誰就會更高尚
悲傷最放任面對
沒眼淚放於心裏
「快樂未一定會緊隨」
晴天響雷
天空似快要流淚
假使甚麼都不對
假使甚麼都失去
當一轉身
晦暗又佔據心底裏
繼續去
失望疲倦害怕
甚麼都擊退
感激著昨日是誰
敢於勇往又是誰
天空若突然沉重得暗影不退
困倦裏
放心去吧
你有我在這裏
找不到自信面對
情緒又蕩來蕩去
但是不甘心歸去
放棄像最易最乾脆
而你堅持
再豁出去
再戴上勇氣的面具
想做的又再告吹
懷疑到自尊粉碎
我最多走到這裏
以後要靠你衝過去
你衝過去
這一次凝住眼淚
今天甚麼都失去
消失漫天烽煙裏
這生命未來其實開創於手裏
繼續去
克服疲倦害怕
一轉身擊退
推翻認知的瑣碎
寫生命新的一句
今天就克服磨練
跑往光輝去
進或退放心去
假使甚麼都不對
假使甚麼都失去
這生命克服磨練
打也打不碎
繼續去
失望疲倦害怕
一切都擊退
感激著昨日是誰
敢於勇往又是誰
天空若突然沉重得
暗影不退
繼續去
放心去
開發你新的秩序
放心去
我亦會繼續去
－－－－－－－－－－－－－－－－－－－
▶︎Like and Subscribe to our channel！
Official website (albums and merch) : http://hall1c.com
?Follow Hocc
http://www.facebook.com/hocchocc
http://www.instagram.com/hoccgoomusic/
For collaborations or inquiries
please send email to info@goomusic.com.hk
－－－－－－－－－－－－－－－－－－－
#何韻詩 #香港人 #繼續去
咁就唯有靠自己啦 在 李根興 Edwin商舖創業及投資分享 Youtube 的最讚貼文
第126故事《香港人的生命線》故事及哈佛知識分享
香港人唔開心咗起碼已經四個多月了，其實我們現在身處那裏呢? 大家是否跌了入個井道?
錄影日期: 2019年11月4日(星期一)早上十時，元朗豐樂圍
故事內容全文:
...............................
從前有隻羊， 行行下唔小心跌咗落個乾井道。 佢嘅慘叫聲俾人聽到，可惜爬又爬唔返上嚟，拉又拉唔到上嚟，最後上面嘅人唯有搵啲泥沙倒落個井道，乾脆埋葬咗佢就算數。 埋下埋下，隻羊死咗。
過幾日，又有隻騾仔經過，行行下又唔小心跌咗落個另一個井道。爬又爬唔返上嚟，拉又拉唔到上嚟，最後啲人又決定搵啲泥沙倒落個井道， 又係埋咗佢算啦。
誰知道， 每次倒啲沙泥落去嘅時候，隻騾仔就揮下揮下，踩踩踩， 再倒落去嘅時間就再揮下揮下，踩踩踩。 冇幾耐，隻騾仔就踩下踩下，踩到井出口道，逃出生天啦。
(故事帶出什麼理念?)
哈佛教授 Bill George 話每個人都有條生命線，起起跌跌，但每個最終死個日，希望係好過出世嗰日。 但難免係你生命中會出現一啲嚴峻嘅考驗 "crucibles"， 呢啲嘅難關好難過， 但如果人無難關，就唔會成長。
你嘅生命線，同你嘅學習線 "Learning Curve"，其實.... 係啱啱倒轉。 你出世嘅時候學嘢最多，人老啦，學嘢反而最少， 覺得自己啱曬。 不過當遇上嚴峻考驗嘅時候，幾年後回望，其實嗰時學嘢係最多，人生先至進步。
香港而家好多人都好似跌咗落個井入邊咁，呢個就係個crucible (嚴峻考驗)，四方八面都有好多沙泥跌落嚟，想埋咗你。邊個都好，依家日子的確好難捱。我做舖，hit 得更加應。
你可以選擇好似隻羊咁， 頹曬、放棄、被活埋。 條線從此走下坡。
你亦都可以選擇好似隻騾仔咁， 用盡最後一口氣，繼續掙扎、逆境求生。 行出自己嘅生命線，反彈得比以前更強，再闖高峰 。
條路係靠自己揀。做羊定做隻騾仔?
#香港人的生命線，#做羊或做騾
聯絡李根興 Edwin WhatsApp +852 90361143 edwinlee@bwfund.com
李根興創業之友 https://www.facebook.com/EdwinNetwork/
李根興商舖之友 https://www.facebook.com/edwinprimeshop/
李根興 youtube 商舖創業及投資分享商舖創業及投資分享https://www.youtube.com/channel/UCEN66AnLghXESgCDIsz-3Nw
咁就唯有靠自己啦 在 飲食男女 Youtube 的最讚貼文
寧做小生意不批貨 西灣河老麵廠誓保質素：要維持客源唔可以偷工減料（足本版）： http://bit.ly/2RvZvhl
山竹走了，香港仍然颳大風；股市不能停，搵路趕返工，賺錢「重要」過天災。西灣河有間老麵廠叫春記，口碑載道，老闆偏偏將生意愈縮愈小，每日打麵兩三種，只做零售，門市中午12點就拉閘。
行家笑春記人懶不進取；「咁辛苦做咩啫？第一，交畀人嘅貨價可能係現在賣嘅三分二；仲有，我質量可以提升多啲，做好啲；如果交畀人要淋淋聲做完淋淋聲起貨。」第二代掌門五哥樊容強心水清，腆着大肚腩哈哈哈，十足一尊笑佛。
「禾稈冚珍珠！」慕名首次來到春記麵廠的人，可能有此一嘆。幾百呎小廠躲在靜靜的興民街，附近佔了一半是車房；門面殘舊，小趟門僅夠一人通過。但見不時有客擠進來五包十包的買麵：四位老太太似小學生在起哄，「我哋平日帶車仔嚟；今日無準備，行到呢頭又忍唔住。」金蘭姊妹分別住北角、將軍澳、何文田和元朗，你買我又買。有靚女長居法國，離港之前來買麵，他朝解鄉愁。
曾經有個在美國開旅行社的熟客，叫春記做一個貨櫃的麵，拍心口有本事賣晒。「一個貨櫃？我一年都做唔到喇！一個星期我都只係做幾百斤麵。一包麵粉50磅，一個貨櫃放麵粉800包，放幾多麵我就唔知。」五哥耍手擰頭笑騎騎。
時間 磨出來的細緻
春記貨種不多，蝦子、瑤柱、魚蓉……乾麵類六七款，濕的有生麵（雲吞麵）、上海麵、雲吞皮等，每日只做兩三款補貨。五哥指出，每星期做三兩包麵粉的生麵、三兩包麵粉的上海麵，蝦子麵做到七八包麵粉，「如果你唔係自己鋪，咁樣根本唔夠皮。」
雖然貨量少，他依舊每朝凌晨五點回來打麵。為何不多睡兩句鐘才開工？「麵呢，做嘅時候要等佢（成分）去混和，我哋行內叫做『行吓佢』，放一放先轆，放一放先執，咁係最好嘅。」他晨早打好麵，弟弟樊容坤（七哥）七點多現身，順道速遞早餐，去門市開檔回來正好執麵。
身處橫街，門面欠奉，七哥明言全靠「老主顧」支持，「人哋話你嘅麵好食，證明你嘅出品受人欣賞。（做麵）回報你嘅，唔係一包麵嘅價錢。」七哥滿足道。
五哥強調：「維持到客源，就係不偷工減料。就算有靚材料，你偷咗工都一樣死。」譬如他做掛麵，人家「夾」麵一次、轆（壓）兩次；他就夾兩次，轆四次五次六次，「如果一次過壓得夠薄，條麵唔好食嘅。轆多一兩次，麵會滑溜啲。」慢工不一定出細貨，但要細貨，不得不磨時間。當中沒秘訣，行家也知，但知不等於做，尤其趕急大量出貨的。「我不是經常做，時間耐啲，無問題，慢慢做。」工序在意，客人評價五哥一樣在乎：「你賣一樣嘢出去，個客返嚟一句說話：你啲麵唔得噃上次咁樣，你就成晚瞓唔着。」
機器 取代不了經驗
有50年，春記都用蒸籠明火蒸麵、焗麵。大約十年前傳出發展商意欲收購興民街的舊樓，所以兩兄弟一直沒有更改生產設備；然而，五年前去到討價還價的階段，收購重建無疾而終。兩年前，乘着配合屋宇署的要求，他們花了三四十萬重新鋪水鋪電，廚房改了電的蒸櫃和焗爐，走進「現代化」。
「現在蒸一車麵23分鐘。以前朝早蒸到夜晚五點，執一次麵就要去蒸，之後要焗，將啲麵調嚟調去，一日搬到黑。」五哥說。
那次大裝修，舊物只剩一紮古董竹片，父親用過，今天韌性依然，好晾掛麵。竹昇和蒸籠都沒留下來，倒是夾麵機壓麵機從父親年代服役至今，一開動就嚓嚓投訴，零件換了好幾次，就是捨不得丟掉換上先進的。
機器省了力氣，但做麵仍要靠經驗，例如大部分麵款都要落鹼水，多少有別，醒鹼時間也不同，五哥製作七哥出貨都了然於胸。水分也要掌握得好，例如做掛麵只有麵粉和水，太濕麵不好吃；太硬，麵就易斷易碎。所以，打麵前，要磅準水量，「如果你斷估倒水下去，多時加粉，少時又加水，加來加去，打麵桶愈打愈熱，麵就放唔耐。」
打瑤柱麵剛相反，成分有瑤柱汁、瑤柱蓉、蛋、麵粉、鹼水等比較複雜，最初未知濕度硬度，所以要慢慢加水，一邊打麵一邊去用指頭感受判斷，「倒水太多就死喇，你再加麵粉就稀釋咗裏面嘅材料，瑤柱味淡口咗。」
蝦子麵瑤柱麵比較受歡迎，他們每個星期都做；但掛麵就得看天時，「如果大北風嘅時候做，呢刻掛上去已經攣晒，賣相唔好；如果南風天，掛兩三日都唔乾又驚佢發毛。」打麵，並沒有一條方程式，唯有歲月造就的敏銳。
追數慘過借
春記在1965年由父親樊春創辦，1975年前搬來現址，一度是東區雲吞麵鋪、酒樓的供麵大戶，遠至灣仔也交貨；單是打麵師傅就請了五六個。五哥有八兄弟妹，除了萬千寵愛的小妹，七兄弟自小就在麵廠幫手，但繼承衣缽的只有老五和孿生細佬老六以及老七。「中學讀唔到書就跟老竇做囉！」五哥笑。
「老竇等師傅收工就教我哋坐竹昇、打麵。」七哥邊說邊回味怎樣將一塊厚厚的麵糰「坐」成薄得透光的雲吞皮。
97年老六移民波士頓，老師傅一個個告老還鄉，最後只剩下五哥和七哥兩個人。五哥回憶：「以前做生意比較困難，人哋幫襯你係好事，但數期長，周轉比較困難，你要找數畀人，夥計又要出糧。後期都係唔好喇，索性做少啲。」
「追數慘過借！」七哥搭訕。
98年五哥正式接手後，只交貨給準時出數的兩三家；四年前乾脆停止做批發，「自己賣算數」。門市就在百步之遙的西灣河市政大廈，正午12點便收鋪，客人要買麵就得移步興民街麵廠。「下晝唔開檔，因為粉麵客人通常上晝買，夜晚食飯煮餸；下晝生意額都唔夠請一個女工睇檔。」七哥道來原委。
簡單 也美
兄弟倆只差兩歲，五哥滿頭灰白，七哥無染髮也烏卒卒，完全不似59歲。
「佢以前多嘢諗。」哥哥是麵廠持牌人，打頭陣，傷腦筋。哥看弟「漏氣」，弟看哥「心急」；不過二人拍檔幾十年，早明白「如果人似我除非兩個我」，「一人少句就無事。記住，你一嗌交就散檔。」五哥笑得瞇起眼。兩兄弟都是健談之人，可是在麵廠各有專注，大多靜靜地做，任由收音機大聲播。
「我14歲開始做，現在兩個膝頭痛，痛咗幾年啦。」61歲的五哥看了醫生，說是勞損。幾十年來他日日搬麵粉、抬又濕又重麵糰走來走去，不離開崗位關節炎難緩解。七哥一樣腳痛，因為「坐喺度執唔到麵」，每日執麵，一站就是七句鐘。
「我希望65歲可以退休。」哥說。「佢四年後退休我都要退，一個左手一個右手，佢做前半部，我做後半部。」弟應。麵廠少一人都不能運作。
春記有歷史有口碑，可產量少。行家都說他兩兄弟懶，不思進取。七哥一笑置之：「錢，使到嘅就係你嘅財產；你唔用嘅就係你嘅遺產。搵到兩餐，唔係夠囉！」收工和朋友打一場波，或者在家搞吓電腦又一個晚上。
五哥點頭同意：「以前做批發一年最多休兩日，現在可以休十日八日。」自給自足，沒有交貨壓力，他整個人輕鬆了，回家飲杯冰凍啤酒，睇日劇、藍光影碟，有時煎一塊靚牛扒，已經樂透。
開心，可以好簡單。
採訪：韓潔瑤 拍攝：梁偉德
春記食品製麵廠
門市地址：西灣河市政大廈一樓D126號鋪
麵廠地址：筲箕灣興民街30號
電話：2560 5144
===================================
立即Subscribe我哋YouTube頻道：http://bit.ly/2Mc1aZA (飲食男女)
新店食評，名家食譜，一App睇晒！
立即免費下載飲食男女App： http://onelink.to/etwapp
《飲食男女》Facebook：http://www.facebook.com/eatandtravel
飲食男女網站：http://etw.hk
Follow我哋Instagram，睇更多靚片靚相：http://bit.ly/2J4wWlC (@eat_travel_weekly)
咁就唯有靠自己啦 在 Goomusic - YouTube 的推薦與評價
... 不如你幫我寫啦」，但最後（下刪三千字），好像也還是要靠自己一滴一滴有血有淚地distill出來，連個天都似乎係咁覺得，唔肯俾我假手於人，唔准我懶。 咁就唯有等我 ... ... <看更多>
咁就唯有靠自己啦 在 #咁就唯有靠自己啦 - एक्सप्लोर करें | Facebook 的推薦與評價
explore #咁就唯有靠自己啦at Facebook. ... 自己頭髮自己剪 ✂️. Sorry 係搵老公剪至岩. 望落都唔算太差嘅 ... और देखें. ... <看更多>