［一股兩名］YesAsia！元祖電商！回憶返晒嚟！
TLDR：小時侯，鄉愁是一枚小小的郵票，我在這頭，母親在那頭。長大後，鄉愁是一張窄窄的船票，我在這頭，新娘在那頭。後來啊，鄉愁是一方矮矮的墳墓，我在外頭，母親在裏頭。而現在，鄉愁是一灣淺淺的海峽，我在這頭，大陸在那頭。
＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1700人訂！ 畀年費仲有85折
＝＝＝＝＝＝＝＝＝＝＝＝＝＝
1. 我就係留意埋啲冇人留意嘅嘢，咁先有獨家（＊）
2. 以前有個同事，花名叫做「吉吉」，因為佢叫做阿喆。幸好，自從有咗陶吉吉後，好多人都知呢個字讀「哲」。不過目測好多人都仲係叫佢陶吉吉，未必唔知係「哲」，但怕同人講去聽陶喆，人地以為你去聽陶傑，或者曹捷。正如我上次寫仙台（https://lkdin.io/3TPk），話我寫咗篇文講魯迅，都有人以為係佬訊。（我話：係呀，嗰條友抄咗佬訊個logo）
3. 其實應該話，「喆」「哲」根本就係同一個字，異寫。正如「碁」亦即係棋，不過好似圍棋專用，或者係ACER。有型啲咁解。
4. 而作為一個文青，我當然早就知道「喆」字。都唔係好深啫，金庸嘛，王重陽咪王喆，歲在甲子，陽者為吉，重陽咪喆（亦所以重陽係九月九）。
5. 至於呢間公司，我一路都以為係「喆麗」（請睇招股書），做乜變咗「哲麗」？而且我見好似係得aastock（巧似中資背景喎btw，因住拎晒你啲data，知道你睇過乜股票），同埋好少部份嘅大陸網站。
6. 但係咪關簡體字事？又似乎唔係。就我理解，簡體字都有個喆字。呢，之前盛傳呀Bill Gates件翻譯小三，咪正係「王喆」，大陸都有個歌手叫「王喆」。
7. 又，呢啲咁嘅問題呢，我唔知會唔會遲早搞到出法律問題。「所以都係要有common law」（＊＊）。你見啲文件全部都講，中文名嘅嘢，for identification only
8. 加埋簡體字就更煩，例如肖剛到底係姓肖定姓蕭，佢本人都未必知。更煩嘅，例如美團嘅蔡文胜，我到而家都唔知係蔡文勝定蔡文胜。因為繁體字版招股書都係寫佢係蔡文胜。
9. 最後都講返呢間「喆麗」，咩東東？正係Yes Asia！嘩，啲回億返晒嚟，我估四十幾歲嗰班人（即係我）就會識！元祖電商公司！（甚麼點點紅 博學堂嗰啲就香晒）
10. 第一個反應應該係：嘩，間嘢仲未死的？第二反應係，嘩，仲搞上市？
11. 唔失禮的，14億市值。收入又係十幾億港紙，舊年純利成億港紙，唔係啲假大空嘢。「王維基檔嘢半年計埋保就業都係賺1億咋」
12. Yes Asia做乜？知嘅自然知，我年代嘅人，識呢檔嘢，九成係上網搵啲港產片VCD，歌手CD，香港小說咁。正係咁嘅生意！
13. 事實公司今年24年，你見到了，都話第一代電商股，亦係我讀大學嘅年代，初接觸互聯網嘅年代，生存到今日仲上埋市，真係好嘢
14. 公司成立源起，就真係因為創辦人在美國唐人街買四大天王CD，發現好貴，然後覺得不如自己做。果然係解決痛點。最初只係都係拎唐人街啲貨上網賣，後來甚至繞過中介，直接同唱片公司拎！
15. 當然公司後來慢慢轉型（仲有人聽CD睇VCD睇書？），變成賣衫賣化妝品，但的確係賣香港CD VCD 同書起家的。又，仲有留意一樣嘢：CD VCD 書都可以數碼化，但化妝品同衫暫時都未得。見到分別冇？
16. 寫到呢度，想講係，呢種「思鄉」，亦係一門幾好嘅生意。當然唔多唔少會被互聯網鏟平，但仲係有啲嘢取代唔同。
17. 例如我寫過，我阿爺當年係差佬（死咗十世，你鍾意我畀個地址你起佢出嚟鞭屍都得），怕老廉（但佢堅持自己清白），著咗草去台灣。咁佢地成班友，在台灣，就真係好似「大時代」咁，去租TVB錄影帶睇，貴一貴都租。
18. 你笑佢？到我在英國讀書時，雖然我嘅懶係懶到連唐人街都唔去（我在Warwick，最近要去到Birmingham，都搞你粒幾鐘，我除咗飛髮外就好少去）。但，如果去開倫敦（咁有一排在嗰度返intern添），我都係去唐人街，食旺記（好撚好食，特別係同其他嘢比），然後買張小嫻買亦舒睇。（＊＊＊）
19. 然後又諗下，我而家Patreon讀者，居然都唔少係嚟自海外。冇正式統計，但有啲畀英鎊畀加紙澳紙嘅，就一定係海外。亦都有啲私下有同我傾計，日本嘅有，韓國有，去到芬蘭愛沙尼亞都仲有。而好明顯，我啲讀者應該全部都係香港人，我難以想像一個台灣人或大陸人或馬來西亞華人會睇我寫嘅文。
20. 一方面，固然亦係「思鄉」，我會講到香港嘅嘢，或者畀佢睇到廣東話嘅文。雖然你可以話大把人都有寫文，但，就係唔同。
21. 另一方面，亦係科技真偉大。你諗下，雖然金庸年代之類，寫文真係發達。但，你賣文賣唔到去芬蘭啦？但而家多得科技先進，我在香港寫文，甚至芬蘭嘅朋友都睇到。
22. 仲有？甚至有住加拿大嘅讀者請我食飯傾計。點請？咪佢幫我叫外賣（可惜只係UBEREAT，唔係女），然後佢在加拿大食，我在香港食，開個Zoom傾計。
23. 所以呢，都係應該感恩，感恩過郭感恩（＊＊＊＊）。當然我要投訴嘅，扯，我而家Patreon真係可以在邊度寫都得，我可以住兩個月日本，然後住兩個月韓國，又住兩個月越南，照樣寫文，爽到極。以前啲作家都未必有咁爽，至少仲要咩搵個Fax機交稿。
24. 可惜疫情關係，以上呢啲我諗咗好多年嘅嘢，理應可以實現，但就實現唔到。不過唔緊要，心存樂觀。
25. 多謝大家一直嘅支持。下半年仲有更多更精彩嘅嘢。
（＊）雖然獨家is overrated。N年前女朋友做記者，日思夜想就係做獨家（財經咋喎，唔係水門海南雞事件），當時我已經隱約覺得唔妥。然後你而家發現，獨家is overrated，creativity is overrated，唔係唔重要，但唔好過份強調。蘋果唔係第一間出智能電話，又唔係第一間賣平板，更唔係第一間賣MP3。但點解唔係潘蘇通松日MP3 Matsunichi變2萬億市值企業？寫文嘅嘢，光有idea冇用，仲要execution，當然好多時亦係寫得好不如寫得快，寫得快又不如有無限資源谷traffic（即係，用公司資源） — 而最重要係：加張靚女相，話知你莎士比亞加陶傑都即時收皮。愛恩斯坦話a picture is worth a thousand words嘛。你睇我都係冇樣賣冇波賣先要打咁多隻字，人地一個月就出幾十張相，我就打幾萬字咁咯。
（＊＊）日本又有common law啦，而未有中資股年代，東京先係亞洲金融中心咯。
（＊＊＊）點解係買張小嫻亦舒，唔係倪匡金庸陶傑？兩個原因。第一，keep your friends close and your enemies closer，要搞掂港女，先要了解港女。但第二，倪匡金庸陶傑甚至畢華流梁望峰嘅書，我早早已經睇晒。
（＊＊＊＊）有讀者同我反映，基本上一見到感恩，就知道我下一句係郭錦恩。但冇問題嘅，洛賓的軌蹟你都知道次次咁玩，但依然防唔到，依然好睇。
＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1700人訂！ 畀年費仲有85折
＝＝＝＝＝＝＝＝＝＝＝＝＝＝
台灣到香港船票 在 [討論] 詢問深圳從深圳灣口岸到香港搭機事宜- 看板WorkinChina 的推薦與評價
關於買船票和飛機票這點，一直有點糾結，本來很怕碼頭檢疫嚴格，check in時間長，耽
誤到登船，但還好看了前面幾次的經驗紀錄，決定還是買了14:05華航 香港分桃園的，船
程30分鐘，抓1小時登船下船機場安檢，買了12點蛇口出發的船票。
由於飛豬攜程都不能買，所以只能在蛇口港微信小程序上買，買的時候他會要求你寫你的
航班時間，因為有嚴格的規定
-旅客需於船班开航时间90分钟前完成购票
-可提前购买120天以内的船班
-船班开航时间距离飞机起飞时间不得少于150分钟
-开航前60分钟停止值机及行李托运手续办理
-为确保有充足时间办理值机及出境手续，建议子船班开航前至少提前2小时到达柜台
所以再買船票的時候，特意填寫晚上出發的長榮班機，這樣才能繞過以上第三條和第一條
的規定
由於我沒有托運行李，所以我11點到碼頭就直衝二樓到自助台列印船票，一定要先印出來
，才能到航司櫃檯辦裡登機列印機票給妳。有要辦裡托運的一定要9點多就要到辦理登機
和掛行李。航司櫃檯還說你太晚來了，辦完機票到閘口前還要掃碼做一個出境申報，還叮
嚀我剩下6分鐘（11:30）閘口關閉，你要趕快。
接下來就是登船登機的部分，寫完申報會有一個QR CODE，1.給閘口人員先看，他讓你進
去，2.掃船票進去，3.再一個機台掃出境申報QRCODE，4.然後再來是中國的出境關口看臺
胞證，5.過安檢，6.香港側關口看護照，7.登船
到香港機場海天碼頭差不多是12:40，下船後就一條動線，排隊先驗護照機票，再過一次
安檢，然後有個退稅單，過完安檢記得去櫃檯退120元港幣。到最下層搭接駁機場捷運去
登機口，慢慢悠悠晃到登機口也就13:30。120元港幣也沒用上，因為幾乎都沒有開，有星
巴克跟少數禮品店，給大家參考。
※ 引述《liberlai (小賴)》之銘言：
: 幫朋友詢問一下過年從深圳經香港回台灣事宜，朋友聽大陸當地的人說可以從深圳灣口
岸
--
※ 發信站: 批踢踢實業坊(ptt.cc), 來自: 223.137.14.186 (臺灣)
※ 文章網址: https://www.ptt.cc/bbs/WorkinChina/M.1670471620.A.1D8.html
... <看更多>