關於 晴靚隱眼 ，我們在網路上蒐集到這些相關的討論、資訊與評價

早排發現自己視力好似有啲問題，睇近野覺得懵懵哋，最慘係畫眼線時好難睇清楚。之後我去咗驗眼，發現原來自己有100度老花…😱😱
晴天霹靂，因為真係唔想帶老花或漸進眼鏡，唔靚又唔方便！
好彩比我發現1-DAY ACUVUE®️ MOIST®️多焦點隱形眼鏡，而家睇清遠中近，仲有防UV保護！我就唔洗再煩要帶副老花眼鏡出街😁
其實我十幾歲就開始帶1-DAY ACUVUE®️ 🙊而家只係唔同collection 啫😆😆

7月4 或以前，成為MyACUVUE®️ APP新會員可以領取5天試戴及限時優惠「買2盒折$100及送$100超市電子禮券」，有需要嘅朋友記得去ACUVUE®️專頁或者下載APP喇 >> https://consumer.onelink.me/BaXx/b6a61a3c

ACUVUE Hong Kong

深夜無人睇，靜靜雞講故仔……大結局
　
《我老婆由細到大都鐘意紙紮公仔》
　
「我爸爸究竟幾時先會醒？」靜妍擔心地問。
　
「劉生佢個後腦受到撞擊，積咗唔少血塊喺入面，所以到呢家都一直昏迷。但如果我地開刀去拎走血塊就太危險，所以要再觀察一下會唔會惡化，至於幾時醒，我地真係答你唔到。」醫生說。
　
靜妍聽後頓時感到傷感，望住瞓喺病床中嘅爸爸更顯得有種無力感。
　
返屋企途中，靜妍一臉憂愁，諗返起嗰晚所發生嘅事就好唔開心。佢估唔到自己一踏入屋，見到爸爸想燒佢啲心愛紙紮朋友，一時之間控制唔到情緒，就隨手拎起支棍將老豆打暈。
　
雖然事後話爸爸跌親撞到個頭，警方無懷疑到佢，但靜妍已經相當後悔，因為呢個世界上面，爸爸就係靜妍嘅唯一至親，佢唔想失去咗呢個爸爸。
　
佢同自己講，如果再有紙紮同老豆兩項選擇要佢揀，佢一定會揀老豆。
　
返到屋企後，靜妍見到眼前一堆紙紮，雙眼從空洞之中變得活躍起嚟，頭先對於紙紮嘅抗拒之心一掃而空，反而內裡嗰股激動興奮心情不斷湧現，佢心諗老豆既然唔知幾時先醒，倒不如好好盡情做自己鐘意做嘅事，於是心情突然180度轉變，展露笑容咁收拾紙紮玩具。
　
而靜妍每一晚都會好細心咁幫紙紮公仔掃塵清潔，亦開始物色唔同嘅紙紮家居用品。久而久之，成間屋企都好似一個紙紮家居設計咁，所有傢俬都係用紙紮製成，令到靜妍非常興奮。
　
由於紙紮用品佈滿整間屋，而紙紮都有其獨特氣味發出，靜妍不時用力聞一下，當聞到紙紮味道時，就好似感覺到自己被一堆紙紮所包圍自己，充滿溫暖嘅感覺。　
　
但呢種滿足感，只有屋企先可以帶到比佢。
　
一踏出門口，靜妍望一望自己，見到自己著嘅衫褲，見到自己用嘅銀包，見到自己所著嘅鞋通通都唔係紙紮所造，佢頓時覺得討厭，甚至覺得自己背叛咗紙紮一樣般內疚。
　
每次返到大學，靜妍都忍唔住去廁所嘔，因為佢討厭件衫所帶出嘅氣味，佢恨不得返屋企換返紙紮造嘅衫褲。
　
靜妍知道自己唔可以再咁樣落去，佢希望可以將紙紮變成每個人都會接受嘅日常用品，但奈何自己唔識設計亦唔識製造紙紮，於是佢想搵一個可以幫到佢設計鐘意嘅紙紮，又唔會當佢變態嘅人，於是佢做咗唔少調查，最終將目標鎖定讀緊大學時裝設計系嗰個無咩地位，無咩存在感嘅學生。
　
佢叫家銘。
　
家銘係一個典形毒男，雖然時裝設計能力強，成績優異，但往往比人印象係無朋友，亦唔識打扮自己同人地溝通，所以好多實習機會或人緣都無佢份，令到家銘非常自卑。
　
呢個時侯，靜妍竟然主動親近佢，並欣賞佢嘅設計能力，呢點令到家銘受寵若驚，估唔到能夠吸引到如女神般嘅靜妍。
　
「係呢，你想我幫你設計啲咩衫？」家銘問。
　
「想知？今晚嚟我屋企。」靜妍故意賣弄關子，令到家銘個心十五十六，唔好話同女性相處，連人地屋企都未去過。
　
當晚，家銘盡佢個能力將自己打扮得好好睇睇，務求配合返靜妍對佢嘅主動。
　
「叮噹。」家銘按了門鐘。
　
當靜妍一打開門時，內裡嗰股紙紮氣味即時撲出嚟，一時之間令到家銘唔係好接受得到，於是用手掩一掩口。然而，佢竟然見到靜妍全身衣服古怪奇異，望真啲，竟然係著住件紙紮連身裙！
　
「你條裙……？」話未說完，家銘已經留意到屋內所有擺設都係用紙紮而做，驚訝得目瞪口呆。
　
靜妍捉住家銘隻手，然後溫柔地為佢逐一介紹傢私。
　
「呢個紙紮茶壺。」靜妍然後開水龍頭，將水倒入呢個紙紮茶壺，好快呢個紙紮茶壺就被水整濕，慢慢爛掉。
　
「始終都係用紙造，一濕水就玩完。」靜妍為呢個已廢嘅紙紮茶壺而感到難過。
　
靜妍緊緊地捉住家銘隻手，哀求說：「所以我想你設計出一個可以裝到水嘅紙紮茶壺，可以著出街嘅衫褲鞋襪……
　
家銘覺得靜妍痴咗線，於是甩開佢隻手，想轉身離開，但由於太過震驚，家銘不斷退後，期間誤打誤撞，撞掉一個紙紮公仔。
　
佢正想執返起佢時，佢見到紙紮公仔用一對充滿怨恨眼神望住佢，嚇到佢即時退後。
　
「你痴咗線……我聽人講過，你阿媽係受到紙紮詛咒而燒死，估唔到連你都變成咁！」說罷，家銘開門直奔離去。
　
呢一晚，家銘返到屋企後一直都瞓唔到，明明身體上好抗拒紙紮，但唔知點解，腦入面諗下諗，又發覺紙紮製成品又真係幾吸引，而且靜妍又咁欣賞自己，一諗起做人做咗十幾廿年都未有女神親近過佢，如今大好機會喺面前，無理由唔好好把握？
　
於是家銘忍唔住不斷上網搜尋「紙紮」嘅圖片，愈睇愈吸引，雙眼充滿喜悅，睇完一張又一張，完全不能自拔，慢慢投入整個紙紮世界，不知不覺間，佢已經被紙紮所詛咒。
　
為咗討好靜妍，家銘付出畢生努力為靜妍設計出由紙紮所整嘅時裝，令到靜妍非常開心，因為終於可以著唔同設計嘅紙紮出街，而家銘亦運用自身能力，利用特殊紙質同木製材料，製造出可以裝到水嘅紙紮茶壺，轉眼間，所有傢俱都可以利用紙紮當作日常用品。
　
當靜妍著住家銘所設計嘅紙紮時裝出街同返學，惹來唔少身邊嘅人目光注意，部份人望望下又覺得呢類紙紮時裝非常吸引，散發出獨特嘅氣質，認為呢個係流行嘅象徵，紛紛用唔同嘅方式投入紙紮世界，令香港頓時掀起紙紮熱潮。
　
家銘嘅作品更加成為眾人焦點，唔少品牌公司都向佢招手，希望佢設計出更加吸引嘅紙紮時裝。令到家銘有生以來，除咗靜妍之外，佢嘅成就係得到人重視。
　
佢認為，呢一切都係紙紮帶比佢嘅回報，令佢更加對紙紮充滿著迷。
　
……… ……… ………
　
張開眼晴，望住灰白嘅天花板，腦海完全一片空白，全身手腳都感到無力。我慢慢將個頭轉去左邊，見到個護士為個病人探熱，然後個護士轉身望住我，短短幾秒間，個護士好似嚇親咁，跑過嚟大聲問我：「劉生！你醒喇？我幫你叫醫生！」
　
我醒？呀……我一定係昏迷咗好耐。個頭好痛，但我開始有返些少記憶印象。
　
突然，我瞪大雙眼，因為我諗起靜妍受到嘅詛咒已經病入膏肓，頓時彈起身想即刻阻止個女，但我一起身，頭亦開始暈，更嘔咗一大輪。後來醫生話我長時間瞓床，所以身體仲未適應，叫我暫時好好抖下。　
　
我拒絕醫生嘅要求，夜晚偷偷地走出醫院，希望盡快返屋企，我答應過老婆唔可以比個女出事，佢呢刻只係比紙紮迷，我一定要救佢！
　
當我走出醫院後，我嚇呆了。
　
因為我見到街上有幾個人竟然著咗件紙紮衫褲出街，我望住佢地目瞪口呆，佢地望一望我，完全唔覺得自己怪異，佢地雙眼反而好奇我做咩咁樣望住佢地。我以為自己撞鬼，畢竟夜晚晚邊會有人著住紙紮出街？
　
我行到樓下商場時，我再一次嚇呆了。因為我見到幾間時裝店都賣緊紙紮。我走到其中一件紙紮衫面前，我用手摸摸，真係用紙做，但竟然可以做到好柔軟，一啲都唔生硬。
　
「先生，有興趣可以試下著上身睇下岩唔岩。」售貨員親切地走來說。
　
我激動地反駁：「你叫我著呢件紙紮？你當我死咗呀？呢啲係比死人著架！」
　
只見售貨員聽後無任何表情，仍然露出一副詭異笑容，續說：「先生，有興趣可以試下著上身睇下岩唔岩。」
　
「你都痴線！」我退後數步，然後轉身離開，究竟我昏迷呢段期間發生咩事。
　
我返到屋企前，發現門鎖已換，於是我瘋狂拍門，但無人應門。而我亦體力耗盡，慢慢跪喺閘前抖下。呢個時侯，對面屋鄰居聽到聲於是開門睇睇，見到我痛苦咁坐咗喺到，即時開門叫我入去抖抖。
「劉生！你點呀？你終於無事喇？」
　
「知唔知我個女去咗邊？」
　
「你個女？你個女無接你咩？呀！你個女呢家好出名架！」
　
「出名？咩出名？」
　
鄰居將我昏迷期間所發生嘅事一五一十講比我知，原來靜妍同佢男朋友家銘所設計嘅紙紮時裝帶起潮流，更發展到其他製成品。雖然呢種「潮流」唔係人人可以接受得到，但最詭異嘅係，好多曾經反對紙紮潮流嘅人最終都慢慢紙紮而著迷，逐漸加入紙紮一員。
　
「咁佢呢家去咗邊？」
　
「其實係人都知佢住邊……因為佢間屋幾乎全部都係用紙造成，亦成為香港其中一個打卡點。」
　
我聽後，整個人都發軟，不斷搖搖頭說：「佢再係咁落去，一定行返阿媽條舊路……唔係，佢應該比佢阿媽下場更加慘。」
　
「你睇下你成個人累到咁，你食咗嘢未？我不如煮過麵你食下。」
　
我點點頭，因為我已經好累了。
　
鄰居走入廚房煮麵時，我腦海仲諗緊究竟可以點做時，我留意到枱上嘅茶壺好似有啲特別，於是我慢慢伸手去拎起佢，竟然係一個用紙造嘅茶壺，仲可以倒茶出嚟，我驚訝得即時放手，令到茶壺跌落地下……但由於用紙造，所以無爛到。
　
「其實紙紮呢種咁靚咁完美嘅製成品好應該一早就要用！所以我好多謝你個女！如果你想阻止個女嘅話……我係唔會比你咁做。」鄰居雙眼充滿欲望，臉容亦慢慢扭曲地詭異地笑。
　
我正想起身想走時候，突然我被壓住，我轉身一望，原來有個紙紮公仔用手壓住我膊頭，他操一把流利大陸口音：「怎麼喇？想跑呀？」
　
「嘿嘿……佢叫Mary，係我屋企工人，基本上每個屋企都會有。」鄰居指住我背後嘅紙紮公仔介紹說。
　
我本來身體已經虛弱，實在受唔住呢類驚嚇，我慢慢地失去意識暈倒了……
　
　
……… ……… ………
　
「老豆！老豆！」
　
我慢慢張開雙眼，隱若見到靜妍喺我身旁喊住叫我。
　
「老豆呀，做咩醒咗都唔叫我嚟接你呀？」靜妍喊住說。
　
我望一望佢，然後伸手掂一掂佢件衫嘅質地，發覺佢無著到紙紮嘅衫，呢件係普通嘅衫。似乎靜妍知我諗緊咩，於是急說：「我知你唔鐘意，所以我已經無再著嗰啲衫，我應承你。」
　
我虛弱地點點頭，再用最大力氣講句：「紙紮係死人用，唔係我地用。」
　
「我明呀！我唔會再著架喇！」靜妍攬住我喊著說。喺靜妍心目中，爸爸嘅重要性絕對比紙紮強，而一直昏迷嘅爸爸，靜妍曾經多次向天承諾，希望爸爸可以早啲醒，寧願放棄紙紮都唔想爸爸一直昏迷落去。如今爸爸醒返，對靜妍嚟講係一個重生機會，今次佢絕對會珍惜。
　
「係呢，我介紹你識，呢個係我男朋友，佢叫家銘。」靜妍開心地向我介紹。
　
「世伯你好。」家銘客氣地說。
　
我見佢一表人材，內心都放心好多，同時亦覺得個女終於大個了，已經識到個男朋友。
　
我表示好累想再抖下，閉上眼放鬆地瞓，估唔到個女仲咁聽我話可以擺脫詛咒，總算對老婆有交代。
　
過咗一星期，家銘嚟接我出院。
　
「靜妍呢？」我問。
　
「呀，佢今日要返公司處理啲嘢，所以我嚟接你。」
　
「咩嘢緊要得過我呀？等我打比佢先！」我嘗試搵下手機喺邊。
　
家銘笑說：「唔好喇世伯，靜妍佢唔係啲普通職員，所以公司有好多重要嘢真係要佢先處理到。」
　
我亦笑說：「我講笑咋，難得個女咁重要，我點會阻住佢，我地兩個走就得。」
　
喺車上面，我一路望住出面街景，留意到街上仲有唔少人著住紙紮，睇到我心都煩。
　
「係呢，你地呢家住喺邊？」我問。
　
「哦，放心，我地呢幾日都搬咗出嚟，無再住嗰間紙紮屋。」
　
「咁都好啲，我一聞到嗰陣味就想嘔。」
　
「其實佢地都幾可愛架。」家銘說。
　
「唔係嘛，可愛？恐怖就真。我由細到大就同靜妍講，呢啲係死人用，唔係我地拎嚟玩！拎嚟著！你睇下出面班人，著住紙紮出街？真係痴哂線。我真係為佢地父母擔心！」我稍稍激動地說。
　
「係係係，唔好勞氣。」家銘笑說。
　
我望住呢個後生仔，覺得佢份人都幾好，靜妍應該無揀錯人。
　
突然間，我見到前面好似有個熟悉嘅人企喺路邊一直望住我，直至我架車喺佢身邊走過，我先留意到佢係我老婆，我即時叫停車！然後打開車門轉身一睇，明明頭先老婆企喺到，轉眼間已經唔見咗。
　
「世伯咩事？」家銘緊張地問。
　
我搖搖頭說：「無嘢……」
　　
上返車後，腦海再次出現岩岩畫面，點解老婆會突然出現？
　
車停了，眼前有間別墅，估唔到靜妍已經變得咁有錢，連別墅都有。
　
「我拎啲行李上房先，你入去抖下。」說罷，家銘就拎住幾個箱上房。而我就行入大廳坐住欣賞間屋。
　
但我突然間覺得唔係好舒服，我不斷聞下周圍，呢種氣味正正就係紙紮嘅氣味。
　
當我發現時候，我發覺身後已經企滿一堆紙紮公仔。
　
其中一個紙紮公仔說：「這個瘋子，上一次放過他，今天一定要殺死他。嘻嘻！」說罷，佢拎住一支棍一步一步咁行埋嚟。
　
我正想退後時，突然間，家銘從後捉住我，然後說：「對唔住世伯！你醒返嘅話，靜妍一定放棄紙紮，佢放棄嘅話，姐係放棄我！我就再無用架喇！」
　
我未開口說話，我就感到巨大暈眩，然後我就被打暈了。
　
……
　
……
　
一星期後，靜妍喺張梳化到喊，家銘走去安慰佢：「唔好喊喇，我估世伯想散心行開陣姐。」
　
「究竟佢去咗邊……我好掛住佢呀……我等咗佢咁耐，點解又要突然走咗喎。」靜妍嗚咽地說。
　
家銘企起身，然後從櫃入面拎出一個紙紮公仔。
　
靜妍一望，驚訝地問：「個公仔咁似老豆嘅？」
　
家銘溫柔地說：「我知你好掛住佢，所以專登做一個紙紮公仔，係用你爸爸個樣去做。你睇下，連身高都跟足。」
　
家銘再行去靜妍身旁說：「我只係想你提起精神，見到呢個公仔，等於見到你爸爸一樣。」
　
「多謝你。」靜妍覺得身邊呢個男人除咗爸爸之外，係世界上對佢最好嘅男人，估唔到自己當初故意親近佢，如今卻有咗深厚感情。
　
「好喇，今晚我地出去食飯？你……不如換件衫好唔好？」家銘暗示靜妍應該換件紙紮衫說。
　
「嗯，我上去換件衫同你出去。」說罷，靜妍就開心地走上房。
　
而家銘見靜妍上房，望望身邊呢個紙紮公仔，然後輕聲說：「拜拜喇，世伯。」
　
二人開心地牽手離開。
　
屋內只有隱若的痛苦聲音：「吾……吾……吾……」
　
　
靜妍重拾對紙紮嘅依賴，家銘亦繼續發揮佢嘅事業，令紙紮潮流升至頂峰。
　
香港人，慢慢被捲入紙紮的詛咒，成為紙紮下的祭品。
　
　　
《完》

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

終於都完咗呢個故事，大結局，希望大家一定要like爆佢，留言爆佢，我想睇一睇大結局究竟可以去到幾多like 幾多留言！
就當對我嘅一種鼓勵吧。
我每個留言都會睇！！！！！！！！
　
我真係要休息一下，然後再重新出發寫更多故仔比大家。
　
雖然故事完咗，但記得都要支持買返本書
因為本書仲有其他故事架，我亦應讀者要求，寫個阿傑嘅外傳喺入入面＝」
　
我嘅網店：https://homingming.boutir.com/

感謝大家！
　
同埋再次提大家，今次係預售，幾多人訂就印幾多～
過咗三月就無得再訂同買架喇～＠＠希望大家買書支持
四月就會製成同寄出～～

懂得苦中作樂很重要。

//【明報專訊】1月5日晚，我在給外國朋友解釋：為何呼籲聲援人權律師的facebook圖，要大大隻字寫上「condom」？解釋着Condom在香港抗爭語境是什麼意思，#laughcry emoji滿天飛，對12小時後襲來的命運毫無知覺。呼籲一人一信炸爆四川省與河南省司法廳，是我在被以「顛覆國家政權」罪拘捕前，參與的最後一個政治行動。被捕後律師訝異我的淡定。我情緒一直很穩定，思維也跟平常沒兩樣（一直在構思此文）。面對不能保釋一直還押數年甚至更長刑期的可能性，也沒什麼緊張或害怕之感。我答：因為我以前係跟大陸維權新聞，我知發生緊咩事。

（按：此文稿成於1月7日羈押期間，未悉將獲保釋之時；保釋後稍作修改）

我思考香港前路的參照，是2008年至2018年中國公民社會起落。我們那共同的對手，會使什麼招數？會攻擊運動中什麼弱點？政治犯除了梁天琦盧建民或劉曉波，還有伊力哈木和高智晟，還有溫州反拆十架的地下教會牧師。坐政治監，就是這樣一回事。

是故競選期間，我對一些人的反應有過不解。當我說要做好怎樣的心理準備，不信我的人會鬧我「賣弄悲情」、「講到咁大咪又係為咗10皮」；信我的人，則會說「不要把自己看得那麼高，排隊都未輪到你」和問我是否有自毁傾向、中二病末期及英雄情結。

然而我認為，這才是參與香港政治、對自己負責任的心理準備。不心存僥倖、對香港制度存不切實際的信心（「利物浦輸波，好！ 」），但也不誇大和妖魔化極權。將極權想像成吞噬一切的魔鬼，是思想上的懶惰；將它想像成一部運作高效，自我反饋機制完善的機器，細緻了解它如何應對不同刺激，才有辦法找到零件鬆脫的突破口。

以前大家常恥笑支教民將「今日係民主最黑暗嘅一日」掛在口邊，我也笑過；但被濫用得更嚴重的，是「香港𠵱家同大陸無分別」。問心就知根本就遠遠未到，如果大陸化是一個懸崖，我哋只跌咗大概十分之一。

不只是想嚇大家「低處未算低」。以往我會說，過往香港人對中國維權事件的關注，流於人道關懷，缺乏一種策略學習的視角。但最近，我的想法也有變。因為我開始明白，悲劇各有不同，香港唔係未變大陸，而係唔會變成那個已經成為過去的大陸——至少不是以同一軌迹。而那些大陸例子，到頭來，或許只是情緒上的力量。（譬如我想到國安案或會出現虐囚時，腦內浮現的是李翹楚穿上「公民」T-shirt拍照給許志永，那生氣盎然的模樣）。

中共的維穩控制手段，其實充滿彈性，有很多層次和空間。例如以「喝茶」作為緩衝，對異見者實施禍及家人朋友的經濟、就業封鎖等，很多軟性硬性的監控、預防。但在香港這個「法治」社會，國安法的實踐卻是一句口號還押一年，不留餘地。是香港各個執法部門的既有機制容不下飲茶、監控這些軟性手段嗎？

一位朋友對國安法與香港法院這半年來的糾纏，比喻精準：與其說國安法在破壞香港的司法獨立，不如先承認香港從來沒有（從來都沒有）司法獨立的制度保障，而國安法正利用香港健全的普通法系統作為「儀式」，透過案例、透過法院的實際權力，利用司法系統中為迴避釋法而妥協的傾向，將中國式「依法治國」嵌入本不兼容的香港制度之中。

與其再談香港的制度是否「頂得住」或「頂唔住」中共，不如換個角度，探討中共的控制遇到香港既有制度時，會以點樣的方式吸納／反利用；或是，香港的制度如何令中共的戰略產生改變？

對手手段不同，中國經驗未必是參照，但在行動這個維度，12港人案的重要性就在於：它逼香港人正視中國的抗爭經驗，不是作為參照物，而是作為合作者。最簡單如下次若再有人送中，而盧思位任全牛已陣亡，還可以找哪位？

「一人一信」行動有迴響令我很高興，覺得是因為我有這些想法、導致我特別用心促成這一件事，還與吾友鄒幸彤成功將隱含中共刻意框限其定性的「維權律師」字眼，置換、正名成「人權律師」。

不過是運動中格外瑣碎、細到看不見的一點，但覺得自己有份拓闊了一點點新的空間。於是1月5號這天，我很愉快。

＊＊＊

六點三被門鐘聲吵醒之前，我三點半才瞓落牀，睡前一面在聽姜濤、Anson Lo和柳應廷的歌，一面研究世界各地的Fandom現象，安排了起牀後去錄Podcast，談Fandom的抗爭性。

姜濤奪得叱咤男歌手後，評論滿天飛，什麼角度都有，對將MIRROR捧上高位的fans，卻是清一色負面。但我覺得這個群體正是整件事中，最令人感到鼓舞的部分。

「粉絲文化」在不同的社會文化中落地，會演變為不同的模樣，毋須以「盲粉」、「受資本製造的民主假象操弄而不自知」視之。即使大家不期望香港的這群「fan屎」會怎樣幫助民主運動，也千萬不要因為他們「只是一群睇靚仔的𡃁妹/師奶」而忽視她們的動能。

楊不歡在端的一篇〈民主的假象，與撕咬的真相——大陸女團〉中，詳述中國「飯圈」的面貌：選秀節目中，粉絲覺得自己支持的選手受到電視台、資本、官方輿論控制等不同勢力的夾擊，沒有後台的偶像選手，一定會被無情淘汰，只有fans的力量才可以「逆天改命」。如果fans夠黐線夠團結，24小時瘋狂換acc投票、幫偶像刷流量做新聞、打擊有後台的選手，或許能為自己支持的那個沒有後台的偶像，換來一線生機。

因為中國的特定環境，粉絲會接受選舉一定造假、電視台與唱片公司一定有枱底deal，會主動迎合不公平的遊戲。但正如其口號「逆天改命」，在迎合資本設下的遊戲規則同流合污的同時，粉絲的初衷，仍是盡自己力量，為偶像爭取一絲在權勢壓迫下改寫命運的機會。

即使那只是一種幻覺，又怎能否定這種動能。
同樣的熱誠，置身於民主社會，一切就立馬變樣：當韓國的粉絲看到自己喜歡的選手爆冷落馬，會循法律途徑追究，鬧到檢方出手將節目組告上法庭，監製承認造假入獄3年。

6號凌晨我在研究「BTS捐一億撐Black Lives Matter」。BTS、Blackpink表態撐BLM背後，是歐美市場的巨大誘因。我讀到，BTS的YouTube有13% subscribe來自美國，而在BTS表態前，他們與經理人公司Twitter早被tag爆。「音樂風格承襲自黑人音樂的韓流團體，不應對BLM沉默」是粉絲強推的觀點。要求偶像表態以外，US韓流粉絲也在Tik Tok（沒錯就是中國的抖音！）發動行動，當警方呼籲民眾提供「黑暴」影片，就send偶像賣萌片段打爆警察server；特朗普集會公開登記，就大舉霸位再no show要特朗普對空櫈講嘢……

Fans的政治行動，反映了不同的社會結構與意識形態、能造就怎樣的年輕人，但當中一以貫之的，是一種由「愛」去推動的動能。

雖然對香港的民主運動不直接有用，但我辦Podcast的初衷，就是想分享世界各地有能量與創造力的故事，離香港愈遠、愈意想不到，對香港的啟發就愈大。感謝姜B，促使我又看到、了解到、學到了這麼多。不過Sorry我還是更喜歡你朋友Anson Lo，本着研究心態看了叱咤，一不小心就被感召成了神徒。

學到嘢的感覺真是超級愉快。1月6號凌晨3點半，帶着明早起身再睇埋泰國韓流fans如何籌錢買gear的期待，我就這樣睡了過去。醒來，已是警察撳門鐘的聲音。

＊＊＊

羈留室原來不可以要紙筆，7號早上在八鄉警署搞手續期間連忙寫下這些交給律師。在外等待的朋友收到傳話，竟是「唔該幫我搵《星期日生活》要定一版」，應會十分無奈。

當然也是會擔心：子悅的情緒怎樣？成日失眠的Owen在臭格睡得着嗎？岑生應該跟我差不多興奮。八鄉元朗兩署出入見到廸，總想起菜園新村小公主嗲爸爸的樣子。

可能很長時間不能保釋，但我狀態OK，還在想這些有的沒的；直到最後一刻，我做還是那兩件事：行動，學習。環境轉換，仍可繼續。

自知也不是什麼真知灼見，或許我想表達的只是：即使我的淡定看來很黐線，但並非不可理喻。幾天前才跟Owen抱怨，隨着抗爭能見度漸低，「你哋好勁」聽得愈多，愈覺得自己成為了抗爭社群中的異類。外媒問我為何面對國安法而不畏懼，我總答：有什麼出奇？2020年7月1號，曾經出過灣仔、銅鑼灣的香港人，至少有10萬個，不同之處是我們做咗畀人影樣的吉祥物。

我還是想要相信，明瞭香港的真象與一切代價仍未放棄的人，在香港有幾十萬。我想自己不是被鼓勵的對象、令人好奇「點解可以咁堅持」的客體，而是眾多堅持着的人當中的一個。

中國公民社會、以至粉絲文化的種種，指向一致——在各異的壓迫中，唯有人的自主，是極權欲百折而不撓。瘋狂加速的路上、除了極權與壓迫的手，是我們的動能拓開了絕境，哪怕只有一點。

對當日排除萬難的戴教授，無限感激。但願回頭看，會發現今日這一段，正是歷史對香港民主運動的慈悲。

羈留室原來可以唱歌。滿腦都是《一所懸命》、《孤獨病》與《水刑物語》，但歌詞實在背不來，就唱達明，最喜歡《我等着…你回來》的《別等》，可惜已無機會聽明仔唱現場。2019後聽這歌，腦中總浮現：煙霧之中，抓不住前面不相識的背囊帶，目送他/她一往無前地衝入硝煙，未及回神，已是槍聲一片……

看到元朗反黑將護照放入證物袋的一刻，另一隻鞋子終於落地。聰、喪崑、平仔、佛康、晴、樂，今生，就此別過。

別要別要問我可知有重逢一天
別要別要問我心中可掛念
淚已亂我視線風吹過落霞翩翩
就似是我熱熾的血流滿這地面
隨風就此步遠　也知你的心更亂
只望明天
也許你可以給我　許一個願
悠長夜正漫漫　月也為我黯淡
此際踏向夢幻　越過萬裏阻限
然而自我別後　別要為我等候
此際越過夜靜　路向沒法肯定
寒風和應

1月7日

於八鄉警署

文˙何桂藍 //

或許每個人的內心都有如孤島般的「地帶」，好像摯親都無法明瞭。偏偏英國的某位詩人如是說，「沒有人是一座孤島，可以自全。每個人都是大陸的一片，整體的一部分。」不少人說小島孤獨，卻鮮有人親身體會孤島的感受，因為都市人禁不起，放不下，走不來。外人走進島內，島民踏出島外，經年來往的渡輪看盡離合。島上的「祺森冰室」負責人林耀山（Gary）生於斯，長於斯，闊別孤島逾十年後回歸故地，不為甚麼，只為年邁父親背起擔子——好好經營冰室。他只望將冰室一代傳一代，交給兒子再交給孫子，世世代代得以保守家族的心血結晶。念念親情，看來孤島不孤單。

緩緩地流淌的靜謐時光
島與城的距離原來僅僅約半小時的里程，渡輪在浪花與浪花之間顛簸，不一會兒便來到彼岸。實實在在踏足於一平方公里的小島上，純淨清新的海洋氣息撲面而來，慣於急速的步伐不期然放慢，放輕鬆。赫然發覺孤島，原來一點都不孤獨，因她正正被溫柔的海洋圍抱著。坪洲，外形彷如一個「凹」字，半點兒都不平坦，地形與其名字不相配，煞是有趣，陷下去的地方像是埋藏着隱世秘寶，或是世外桃源，遠眺還看得見青翠山嶺。坪洲在七、八十年前是繁盛的工業中心，全盛時期更有逾百家廠房。


從昔日繁盛到今時今日的平靜，坪洲的面貌經歷多大的轉變，在島上不難發見歷史痕迹。如今，小島沒絲毫熙來攘往的壓迫感，沒有車子，沒有擠擁人潮,大街小巷彌漫悠閒靜謐的氛圍。每分每秒在城市如江河奔流的時光，在島上卻是緩緩地流淌。踏出碼頭，一座古廟映入眼簾，沿着永安街直行，偶爾有腳踏車擦身而過，街頭巷尾迴盪着微妙的窸窸窣窣，夾雜清脆的叮叮噹噹。店鋪之間隔着一道「楚河漢界」，店家卻會互相打招呼，談談天氣陰晴，說說生活瑣碎。

一塊牌匾牽繫兩代心血
巷尾，便看得見「祺森冰室」牌匾，一塊牌匾四個大字連繫兩代親情與心血，負責人林耀山（Gary）說：「爺爺名『祺』； 爸爸名『森』， 結合在一起就變成冰室的名字。他們都是行船，都是做廚房，懂得甚麼便做甚麼工。」原來，「祺森冰室」坐落的屋子早在一九六零年已經存在，Gary太公那代就已經在這裏居住，直至Gary的那一代已將近是第四代，經歷了數十載風霜的屋子見證着林氐四代的家族歷史，「之前是太公來到這個小島，買了這一棟物業，最初都是供別人做餐廳。坪洲那時有很多廠，人多了，食的需求就變大，就會有冰室及餐廳的出現。 他們想到不如就做餐廳生意，就收回餐廳。」


生於斯，長於斯的Gary繼承衣缽，經營島上的家族餐飲業生意，孝順的他從小便在冰室幫忙，亦與小島有着深厚感情，「坪洲這個地方，比較寧靜。最大分別是這裏沒有車，空氣好。坪洲人較淳樸，但睦鄰關係好很多，都是土生土長。我們從小就在這幫手，上午就幫手做早餐，放學後冰室已經關門，就回來掃地清潔。那時候，日常生活，包括吃飯、做功課等所有事情都在店裏做，記得有些人會拿五毫子給我，叫我拿給媽媽。」

離開終究是為了歸來
畢業後，Gary毅然離開長大的地方，出外尋找工作，移居近十年，曾與家人討論過「接手」的問題，他的內心亦經歷過幾番掙扎，徘徊於拒絕與接受的邊緣，反思過去梳理思緒有助填補未來的空白，他憶述：「那時心想不會接管餐廳，結了婚到有小朋友之後發覺 ，以前家人對我們真的好。慢慢就去理解，他們老人家可以撐起這間餐廳，真是厲害。中間也有很多時候，是星期六日或者星期五晚我也有回來，爸爸的年紀都差不多退休，經營餐廳，做了大半生，又供到我們、我、妹妹都長大自立，反思都應該是時候回來幫手 ，二零零一年便回來了。」 終究，冰室對Gary充滿了兒時回憶與深厚感情，可想而知難捨難斷。

於港人而言，冰室是香港歷史遺留下來的昔日印記，可理解為茶餐廳的前身，流行於一九五零至一九六零年代，隨着西餐業發展而起，最初因售賣的食品又以紅豆冰、咖啡、奶茶等西式飲品為主，以「飲冰」為賣點，故取名「冰室」。Gary解釋：「做冰室賣的食物很簡單 ，會有奶茶咖啡，只賣幾種粉麵。最早期我們有上海麵賣，雞蛋及肉片。我們的肉片是煎香了的肉片。那時是媽媽想食，爸爸就說拿一些回來賣，說這樣食就食了幾廿年 ，直到現在我都保持有上海麵賣，做一間冰室要茶靚咖啡都靚，兩者必須要做得好。」

片片蝦多士皆有血汗
歷久不衰的是情懷與傳統，雖然Gary 認為肯變肯去接受就會更好，但他並非一味主張顛覆過去的變革，而是選擇奠基於優良基礎上推陳出新。他細心地把過去的種種保存下來，「茶底沿用以前爸爸留下的，那味道由那時到現在沒有很大轉變，其實要煲一壺好的奶茶是很簡單，但要保持到十年是同一樣的味道，就是功夫。還有一個以前有、現在也有的就是紅豆冰。裝潢仍保留一派老式冰室格局，店內一枱一椅一磚一瓦均與開業時無異，還保留所有卡座椅子，這些椅子於一九六零年已經存在，因經過好些時日，木材腐朽，需要不停翻新修補。」蝦多士，是祺森冰室的「招牌菜」，不少人趨之若鶩來嘗鮮。

Gary坦言：「蝦多士以前是沒有的，以前麵食為主，而且沒有一種較有特色的菜式，就想到蝦多士不錯，將蝦放進麵包，再用餡包起。其實不是我構思，五十年代的蝦多士就是這樣做。」蝦多士滋味香口，然而製作蝦多士的過程竟血汗交融，因為當中有一個剝殼挑腸的工序，「我們剝得很快，很容易會刺到手流血，還有個漿，要用很多香料去炒，將幾樣混合放到麵包裏，再浸蛋漿，再沾麵包糠，再炸。」

情鍾爸爸烹調的早餐
經營餐廳的擔子沉重得很，Gary卻沒有後悔當初的承諾與決定，他憶起一件引以自豪的往事，「有一個時刻十分感動，平時我們收的錢會放起來，通常我就會全部拿給爸爸。有一天，爸爸突然跟我說不是啊 ，今日你第一日接管 ，你拿吧。那種感覺是我終於真正地接手了，是一種認同。」從爸爸身上，Gary學到了堅守原則，絕不馬虎，「本身有些客人喜歡爸爸的食物。有時我們會分得出是不是舊街坊回來，一家人來食四碗五碗上海麵。

不想失去這批客人，我會有少少要求，再做下去慢慢加東西，要求不能變，這是從我爸爸身上學的。因為爸爸做事的方法是慢工出細貨，當他口說隨便的時候才是最令人害怕，其實都是有要求的。」爸爸煮的食物，是Gary孩提時代的世間美食，他想起讀中學時，每日七時走下來客廳，便會看見一杯奶茶，一件腿蛋治已準備好在枱上，「爸爸一定先做好放在這，我從未食厭。」

冰室拉近了Gary與親人的距離，Gary爸爸放手後就沒有再理會餐廳生意，轉而在背後支持子女。 至於，Gary的兒子現時也會到餐廳幫手打點，「冰室令到自己和家人關係更親近 ，但當你太親近時也會有很多摩擦 ，我們的溝通方法可能就是先罵先吵架。有時工作上不滿意也會發他脾氣，吵完就算了。一家人，開心不開心全都在這裏，回憶都全在這裏。」承傳下來數十載的冰室是多代人的心血結晶，Gary一心希望能夠將冰室繼續傳承下去，「保存招牌和心血，再交給兒子再交給孫子 ，一代傳一代。」

撰文：文朗琛
攝影：胡浩賢

祺森冰室
地址：坪洲坪洲永安街3號地下B鋪
電話：2983 0554
營業時間：星期二至日 8am-4pm（星期一休息）
詳情： http://bit.ly/2VnXidp

澳門酒店近十年如雨後春筍般出現，有人專揀平靚正酒店，也有不少人專門去嘆豪華靚房！例如來自法國的奢華酒店品牌Sofitel，在澳門開業剛滿10年，標準雙人房每晚$1,000有交易，屬平靚正之選。而同時酒店亦有連私人泳池的超豪華別墅套房，房價每晚$5,000至$7,000，約一班朋友去狂歡，除開來也相當抵玩！我們記者就去了親身試住，寫下premium版的試住報告！

澳門十六浦索菲特酒店今年開業剛滿10年，不算新，但酒店環境及設施也算保養得宜，酒店大堂的水晶吊燈及擺飾，保持着一派法國的華麗感。這次試住的是「濠庭十六浦別墅式套房」，全酒店共有19間。套房一共兩廳兩房，包括客廳、飯廳、主臥室及客房，空間相當寬敞。主臥室及客房各有獨立浴室，而客廳旁亦有一個供客人使用的廁所，開十多人party的話，去廁所甚至沖涼也不用排長龍！


一進別墅套房，眼前便是客廳，空間大，有兩張3至4人坐的梳化外加一張單人座。中間放置一鏡面桌子，甚為貴氣。全屋燈光可調亮度，同屬黃光，燈光柔和，可以營造不同氣氛。客廳配備37吋大電視及Bose 音響系統，開party一流。
主臥室和客房都以白色為主調，給人感覺簡潔乾淨。床墊、床架及枕頭被鋪同屬SOFITEL MYBED™床具。床褥偏軟、枕頭用記憶棉物料，超舒服！
浴室亦是重點之一。內有多面鏡，營造空間感，洗漱用品亦一應俱全，例如基本的牙刷牙膏、梳子、鬚刨、棉花等。沐浴用品亦使用巴黎頂級品牌──Hermés，讓賓客有最優質享受。值得一提主臥浴室有按摩浴缸，並提供浴鹽，可舒服浸浴。客房浴室亦有浴缸，而且有電視機，讓客人一邊看電視，一邊泡浴，十分寫意。
不過唯一可惜的是，記者是次試住的，雖然是別墅套房，但沒甚麼景觀可言，被眾多樹木遮擋住，可能較適合需要私隱度的客人，而重視景觀的旅客，則可以要求酒店給予景觀較開揚，或樓層較高的房間，可看到澳門城市景觀、珠海灣優美海景或泳池景。
酒店設施方面，別墅套房包私人泳池，開poolside party也可以！而且酒店還有賭場、spa、健身房，以及提供法菜、中菜及自助餐等多間餐廳，整天留在酒店範圍都不成問題。


酒店的位置不俗、交通便利。雖然離碼頭不近，但步行距離可到多個景點，如15分鐘步程到大三巴。酒店前有巴士車站去各旅客區，亦有來往關閘及港澳碼頭之穿梭巴士。

總括來說，別墅式套房空間寬敞、設計優雅華麗，環境氣氛也不俗，特別適合作新娘子婚前Bachelorette Party的場地，姊妹們打卡一流！

澳門十六浦索菲特酒店
地址：澳門內港巴素打爾古街
電話：+853 8861 0016
濠庭十六浦別墅式套房房價：每晚$5,000至$7,000

採訪：黃愷晴 邵苑雯
拍攝：黃愷晴 邵苑雯

===================================
立即Subscribe我哋YouTube頻道：http://bit.ly/2Mc1aZA (飲食男女)

新店食評，名家食譜，一App睇晒！
立即免費下載飲食男女App： http://onelink.to/etwapp

《飲食男女》Facebook：http://www.facebook.com/eatandtravel

飲食男女網站：http://etw.hk

Follow我哋Instagram，睇更多靚片靚相：http://bit.ly/2J4wWlC (@eat_travel_weekly)

土瓜灣一區，還未有地鐵。隨處蹓躂，怎樣看，也是一個老區。誰想到一對年輕新婚夫婦，三個月前落戶於此，在一條隱蔽車房小街，同心協力，開了一家西餐廳。丈夫更是藍眼晴金頭髮的型男大廚，小區鮮見，賣地道比利時菜，帶來不一樣的活力。原來美食背後，是一個跨越九千公里、平凡卻真摰的愛情故事。

Louis和Stephanie的愛情，於澳洲萌芽。兩人於當地Working holiday，男的當廚師，女的做咖啡，經過朋友介紹相識，漸漸互生情愫。Stephanie仍然記得第一次約會的情況：「我們相約逛night market，但他當天居然沒有帶cash。我心諗，你第一次約個女仔出街，唔帶錢係乜玩法？」他隨心，她偏偏喜歡他的單純沒機心，兩人漸行漸近，頓成情侶。


兩人一起時間不算長，但自覺適合匹配，早早拉埋天窗。四年間，二人結婚，並決定從澳洲回流香港。他為她，到一片新天地闖，她，也決定為他到處羅致圓夢。兩個月前，她在土瓜灣一條車房街，找到一個鋪位，撒下十數萬，和拍檔們合資開西餐廳。「Louis做咗廚十幾年，一直好想擁有自己餐廳，集合所學所識，做屬於自己的菜。」老婆代答，語畢，笑得燦爛，她為他何等驕傲。

小小心血結晶成形，主要賣西餐。海鮮是Louis每天早上親自到街市挑選，由龍蝦、大蜆到帶子，天天換款，確保最鮮。只道餐廳賣尋常的意粉，卻在細節中滲出比利時菜的精髓——不定時賣蒜香青口煲，另上大大份即炸金黃薯條，配自家比利時烤醬；朱古力慕絲是自家即打；賣四款修道院啤酒；通通大推比利時菜，讓人用舌頭認識這個小小的國度。


起初他們還怕老區生意慘淡，豈知小店努力，慢慢做出口碑，「阿公阿婆唔識英文，都會嚟食。呢區比較得意，咩人都有。都係試吓，博一鋪。」本身兩人想過移居瑞士，連簽證也辦好了，後來因緣際會，找到此鋪位，思前想後，毅然留下來圓夢，辛苦是辛苦，冒險是冒險，但只要有彼此，一切心甘命抵。「雖然辛苦，雖然日對夜對，但都唔會厭。（笑）」

Louis正在廚房內忙，問樓面的Stephanie，喜歡老公甚麼？港女笑道：「我鞋帶甩了，他會主動蹲下來替我綁，香港男生不會這樣。」遇見他之前，Stephanie是個沒成就、沒事業心、沒主見的平凡女生，「我讀書好差，會考得一分，打份工又唔會做得長，成世人渾渾噩噩。」她直言，是Louis慢慢帶她，走過不一樣的風景，學習計劃人生，甚至現在才29歲，已經擁有一家自己的餐廳。家人也說，因為愛情，她變得獨當一面，成熟穩重。

愛情，從來不單是「我尋你開心」，而是為對方或成就對方，成為一個更好的人。

ChezLouis
地址：土瓜灣長寧街29號
電話：從缺
營業時間：12nn-10pm
詳情： http://bit.ly/2OWLd6I

Instagram：Chezlouis18

採訪：莫小巧
攝影：陳旭鵬、謝致中
剪接：謝致中

===================================
立即Subscribe我哋YouTube頻道：http://bit.ly/2Mc1aZA (飲食男女)

新店食評，名家食譜，一App睇晒！
立即免費下載飲食男女App： http://onelink.to/etwapp

《飲食男女》Facebook：http://www.facebook.com/eatandtravel

飲食男女網站：http://etw.hk

Follow我哋Instagram，睇更多靚片靚相：http://bit.ly/2J4wWlC (@eat_travel_weekly)